خفايا الأمس ,, موقع الشاعرة ينابيع السبيعي

"نهاية قلب"

أحــرقـتـنـي بـالــــشـــــــوق حــتـى الإبـاده =وكـم بي طـفـيت شمـوع من غـير ترجـيح
كـنـت احـسـبـك لـلـقـلــب معـنى الـسـعـاده=شـفـتـك سـقـيت الـروح صـد وتـجـــاريــح
شــلـي حـصل وازريـت عـطـنــي الإفـــاده =تــعـبـت ادور لك بـالاعــــــــذار تـصـحـيــح
صــــدق الـمــــشــاعـر فـيـك سـيـر مـداده=عـجــز يـــداري فــي الـحـنـايــا وانـا ابـيـح
ان قـلــت ابـنــسـى زاد جـــــرحـي وكـــاده =وان قـلـت احبك بـان فـي الـقـلـب تصـريح
يـرضـيـك تعــذيـبـين ودّك زيــــــــــــــــاده =ودّك تــشـــوف بـخــــافـقـي كـل تــبــريـح
ظـلــمـت قـلــــبٍ بــان صـــــــــدق ووداده=كـتـب غـلاك احـسـاس مـثل الـمـــصـابـيح
هــذي نهــايـة قـلــب عـــــــــــاش بـعــناده =قـلـــبٍ تـقــــاذف بـيـن الامــواج والـريــح
مــدري شـــجــرى لـلـقـلـب أتـعـب جـواده =يـــركــــض ورا ظـلٍّ فــقـــد كــل تـلــمــيح
ان كـان صـــــــدك بـالأكــــيـــــــد اعـتمـاده =أغـلــق انــا ابـــــواب الـهـوى بـالـمـفاتـيح
واطــفــي شـمـوع الـقـلــب أعـلـن حــداده =وانـهــي بـصـرح الـحـب قـصّـه وتـوضيح

« القصيدة السابقة | القصيدة التالية »