حسبي الله عليهم .. كانهم مني خــذوه = ماتفيد الندامه والمـــدامع والحـسـوف
حسبي الله عليهم شافو الحال وعموه = واجهوني بالمسافه والحواجز والوقـــوف
اعترف أنه حبيبي :ليتهم كثري بكوه = قبل أحبه كان قلبي ما يحــس ولا يشــوف
اعترف كان أرخصوني أنه أغلى من فدوه = في حروفي وشوقي والملامح والكفوف
اعترف أن الحقيقه عكس ماعني حكوه = الله أعلم : واعْترَفْ له بالغلا قلبٍ عطوف
وش كثر حبه يساوي .. بينهم ياما قـروه = في حضوره في غيابه ماتوفيه الحروف
كان حظي ماتجمل وحلمي الاول نسوه = وعلموه ان الخواطر كسرها مابه كلــوف
والله أنه في عروقي يحرق النبض ويتوه = وانه أقسى من طعني بالخناجر والسيوف
لو تناثر من عيوني ..في لساني ماحكوه =العتب ما هو عليهم ولا على كل الـظروف
بين كل المرايا وبين كل الــوجـــوه = لو نسيته ثـــواني .. في خيــالي يـطــــــوف
ليتهم في كل ساعه باعوا الدنيا وشروه =كان عرفـوا ليه أحبه واعشقه بين الالوف؟!
ليتهم جاعوا سؤالي أو بعـد مثلي ضموه=عن حبيبي والاجـابه تنشد المعنى وقوف