شـهـر(بقدومه ) اسعدنا وزا د بنوره الإيـمـــان =لـقـانا ضيـفـنا المحبوب جانا بـاحسن عطـوره
يعـطـرنـا بطاعـاته يصـفـد فـيـه كل شـيـــطان=يجـي ونــزيـد بـالـطـاعـه يـشـرفـنـا سـنا نوره
شهر فـي أولـه رحـمـه هـديــة خـــالقٍ مــــنان=وفي وسطه غفر لذنوب من طاع وسمع شوره
نـزيـد في آخــره طاعه فـهـو عتـقٍ من النيران=عـسـى الله يـبـلّـغ المـؤمن صيام يزيد بسروره
يجـيـنـا في السـنه مـرّه ولاَ مَن ضَيّـع العـنوان=يسـجـل بالـذكـر اسمه ولـه في الـذاكره صوره
بهذا الشـهـر لا تـنـسـى فـقـيــرٍ بائـسٍ عــدمان=تـمـد ايـد الـعـطا لاجـله وتجـبر نفس مكـسوره
ومن زاده بـطاعـاتـه ربح ماهـو أبــد خِــسران=لأنه كلـما يعـطي يـــزيــد بجـنّــة قـصــــــوره
إلـهـي من عـرف ســرّي إلــهٍ حــاكــــمٍ ديّـــان=دعـيـتـك تـغـفـر ذنـوبـي بشهر الصوم ومروره
انـا من هـالبشر لكن يكثر مني العــصيان=وتغـرق نـفـسي بـلحـظه مع الشيطان وحضوره
انا انـسان ولي اخطـاء واطـلـب منّـك الغـفــران=وتـهـديـنـي وتعطـيـني ضـوا من نـور بسـطوره
انـا مـا غـبـت عن أمـرك ولا بي هاجسٍ غفلان=بـهـذا الشـهـر واتـمـنـى رضاك بـبـاقـي شـهوره
مشـاعـر صاغها حرفي حديث الروح والوجدان=بـذكـر الله يـزينـها حـروف وقـاف مسـطـــــوره