سـطرت من قافي حروفٍ تمارا=دام الوطن حـبه بلا حـد وقـياس
صـارت حروفي بالمعاني تبارا=يصوغها التاريخ صفحات الالماس
حروف شـعري بالـقـوافي عـذارا= اتـسـابق الـخـطـوات للي لهم سـاس
ما ينوصف بالطـيب غـيرالخـيارا=الـلي لهـم في قمة المجد مـقــياس
حكـام نجـد وطـيبهـم ما تـوارا=وافـعـالـهـم من دونهـا قـوّة الـباس
اهـل الـوفـا والجـود سـر وجهــارا=اخـوان نـوره صيـتهـم يرفع الراس
عـبدالله اللـي بالوفـا ما تـدارا=مليكـنا اللي يـعـتـلــي كل نـوماس
رعـايته للـشـعب رمز وفخــارا =واحساسه اكبر من حروفٍ بقرطاس
ويمناه سلطان الكرم والوقارا= لـه موقفٍ مثـل الـفرج حزّة الياس
ونايف على صرح الأمن باقـتدارا=نظـرات عـينه كـنّها عـين قرناس
وسـلمان عن كل المواقـف يجـارا= ابوالـيتامى يحـتوي صدق الاحساس
يارب يا عـالم خــفـايـا الـنصارا=يـا غـافر الزلات من دون مقياس
ياخـالـق نجـوم الفلك في مدارا=تـسـترعـلينا من ثعابين وانجاس
تجـعل ديار الـمملكه بالعـمارا=وتحفظ بلاد الخير للأمن نبراس