معاناتي معك ماظن به ( معنى ) يترجمها =معاناتي يترجمها جفاف الوقت وسنـيــنــك
أنا في هالقصيد اللي تشوفه جيت أحاورها =وأنا أدري من هدفها بس تاقف بيني وبيـنك
تــدّورني وأنـا يـاحـبي الاول .. مـا أدورهـا =أنا بوجهك حبيبي عن عذاب مفارقك ويـنك ؟
تـعَـب كل الطريق اللي عجز حظي ينـورها =كأن الحظ يدري بالطـريق أن الوطن عيـنـك
تعبـت ولا بعد مـل الكــلام اللـي يـشـاورها =معاناتي تــدين الــوقت . ولكني أنـا اديــنـك
معك ولا معي ؟ نفس الحكايه وش يطورها =مدام أن الفرح عاف الفرح وش فيه بـيـديـنك
تبيني أبني الفرحه وهم وارجـــع اســــورها =عسى يمكن تعدل بالـنـــهايه لي موازيـنـــك
نهايتها معك .. هـــاذي معـاناتي وبلــورهـــا =تراها كنز آخذته والثـمن فيه أجمل سنيـنـــك