من عزتي للنفس ماارضى المذله=ولا عاش قلبٍ يقبل الذل منهان
اللي جفاني ماتذرا بظله=لو الليالي غربلتني والازمان
واللي نساك اليوم ياقلب خله=واللي غلط لابد في يوم ندمان

ذكرت أني نسيت وضاق بك صدري=نسيت أني ذكرت وصرت أهذري بك
تهادا في متاهة غلطتي عذري=بأني صرت لجلك من مطاليبك
كأن البوح جرحٍ ينزفه حبري=وعلى وجه الورق طاري مكاتيبك
أعْرف ان القصايد ماتجي جبري=جفاك اللي كسرني ويش أسوي بك
صغرت بعين حبك .. طحت من كبري=دخيل الله هانت بك عذاريبك
أحطك في عروقٍ دمها يجري=وأحس بنزف شعري يوم أهلي بك
دموعك زيف وانت أدرى بها وتدري=بأن دموع عينك سر الآعيبك
أصّدق كيف ؟ وفيك مجاهده صبري=كثر ماتبعد الاقدار .. وتجيبك
غلاك اللي حدود نهايته قبري=يوصلني حدود الموت وأمشي بك