راح الزمان اللي عليه المضامين=ولى وقفى وما بقى غير ضيقه
ضاعت حقايقنا على شوفة العين=راح الرعد والبرق ولع بريقه
الكل يمشي والحكايا ملايين=كل يقول امشي بفعل السليقه
والمرجله ماهي كلامٍ وتدوين=وماهي سوالف عن شقيق وشقيقه
المرجله وقفات ما شفتها الحين=الكل يلهث في خطاوي رشيقه
كل على ليلاه غنى المواويل=يجمع له الأموال وهذي حقيقه
وين المجالس نفتقدها الى الحين=ناس تجمعهم سوالف عتيقه
ماهو مثل يومك حديثها شين=وياما تفرق عن صديق وصديقه
والناس الوانٍ وتلقى بها الزين=هو مختلط عالم وتبقى الحقيقه