أنزل قوافي وأرتحل رحلة حروف =وأرحل سراب ونزلتي عاصفـة لــيل
أرحل هجير وسكتي شمس وكسـوف =وأنزل جليد وخطوتي تدهـش الحيـل
لي حرف ماياقف من الوجد مكتـوف =واحساس صـادق والامانـي مقــابيـل
ماجيت أبقرا قصـة الليـل والخـوف=ولاجيت أبطرد هاجس الخوف بالليـل
جيت أستشف البوح والقلب ملهوف =وأشعل بحــرفي مابقـى مـن قناديـل
يوم المعاني داخلـي كنهـا سيـوف=والبوح نزف ونكهــتـه كنهـا الهـــيـل
أحيـان أحـس !! وأتأكـد !! ولا أشـوف =واسمع صدى حزني يعـوّد مواويـل
وأحيان أطوف بنفسي وغيري يطوف =بين الظنون الـلــي لهـا ألـف تــأويل
وأرحل قوافي كل ماتطـري حـروف =وألقاك فــجر يكتسـح غـربـة الليـل