خفايا الأمس ,, موقع الشاعرة ينابيع السبيعي

تـشرفـني تـجي صــادق

انا احسب اني ليا جيت أشـوفـك تـفرح لشــوفي=ولكن مابدر مّـنــك رسم لي عكس تصـــويـري
أنا مالي عـلـــيك حـقـوق ولاني طالــبه تــوفـي = حقـيقة واقعـــك يـطـغى عـلــيها حــد تعـبـيري
سلاسة حرفـك الـراقي تـوقـف عـنـدها حروفي =وعطـيـتك دون ماتـدري مع الإعـجـاب تقديري
ولكـن يـوم صافحـتـك بعـد ماجـادت ظـــروفي =تـبـيّـن كل ماتخـفي وسمعـته عنك من غــيري
حـشـى لله ماودي تطــفي يـالـــغــلا طـيــــوفي=ولا ودي يحـيــد الحق عن دربي ولا ســيــري
تــرى ماهو لاجل غايـه ولا الـتبرير مكـلوفي =على الله جـبرة الخاطـر ولا تحـتاج تفــســيري
تـشـرفني تجـي صادق ومقرك داخل الجــوفي= أقـدم لك من الــواجب وفـــاي وكل تـفكـيـري
كـتبـتـك يـوم صادفتك ولابي منك معـــروفي= أعــز الـنفس وارفعـها عن اللي مابهم خيري
حسـايف كنت أحسْبِنّك تعانق بالغلا حـروفي=ولكن مابدر منك رسـم لي عكس تصـويــري

تحرير القصيدة

« القصيدة السابقة | القصيدة التالية »