خفايا الأمس ,, موقع الشاعرة ينابيع السبيعي

إيـــــه احـبــــــــــــــــك

إيـــه احبك كلمه اقــــراها بعـيونك=إيـــه احبك غــارقه باقــصى مـداك
كل ما فـيــني يتادي لك يا عــــونك=إيــــه احـبك.إيـه احـبك.يـا مــــلاك
لا تغـيـب اشتاق مـرباعـك ضــعونك=لا تغـيـب اهــواك واتنـفــس هــواك
واستعيد الــروح من همسة شجونك=واسـتـشـف الـبـوح من همسة غـلاك
إيـــه احبك واشتهي غيمة مزونك= ارتـشف حـبـك واشـارك في عـنـاك
لا تـقـول ابـعـد ابــد لـلـي يـصــونك=بـالـجـفـا ارجـوك لا تـنـطـق شـفـاك
لا تـخـون الـلـي بـقـلـبـه ما يـخـونك=يـنـتــشي نـبـضه يـحلـق في سـمـاك
اسقني حبـك وانـا بـروي غصونـك=فـي حـديـقـة قـلـبك ارعى من رعاك
ما عـرفـت الحـب الا في لـحـــونـك=ولا حـمـلـت الـشـوق الا في رجـاك
لك خـضـع حرفي بـاشـواقه يـبونـك=يـتـبـعـونـك فـي مـحبـتـك ورضــاك
اقـتـل احساسي لـو لحـظه يـخـونــك=واشـتـعـل غـــيره إذا طـــول جـفاك
خـوفـي الـعـذال مــرّه يـشـغــلـونــك=وانـا قـلـبـي مـا تـعـلـق فـي ســـواك
روحـي مـع قـلـبي/عـقلـي يـتبعونـك=قـربـك الـشافـي وهـجـرانـك هــلاك
حـبـنـي بـالـحــيـل تـلـقـاني بـعـونـك=وانـا احـبـك فـرحتي لحـظـة لـقـــاك
بـنـسـج الـذكـرى قـصايـد يـندهونـك=والــــوفـا صـوره يجــســدها وفــاك
لا نـدهـت الـقـلب في لحظة سكونـك=قـال لـك لـبـيـك مـن حـبّـــه وجـــــاك
بـس اوعـدنـي إذا خـابـت ظـنــونــك=تـبـتـعـد تـنـسى لـمـن قـلـبـه عـطــاك
وانـتـبـه الاصـحـاب لـو مرّه يجونـك= لا تـعـيــد ارجــوك لحظـاتـي مـعـاك