أنا لولا الغلا اللي لك بقلبي وش يصبرني=ومن غيرك إلى منه هجرني زادت اطعوني
لو اخترت المحبه كان حبك مايسيّرني=لاشك الحب مامرة ذكرتك وانثنى دوني
ولابه شيء غيرك لاذكرت الحب حيرني=ياساكن مهجتي وانت تمادى سهد بعيوني
بكيفي كنت احبك لين صار الحب يجبرني=أنا دايم كذا باول غلاي لمن يحبوني
جمعتك بالحنايا..عاد تكفى لا تنثرني=أمانه لاتخليني شتات لناس ينسوني
أذا عكس الذي أعطيك من صدقي تعاشرني=وش المعنى لشعرٍ أكتبه لاخابت ظنوني
أبي تسأل حبيبي عن سواي ان كنت خابرني=تشوف اشلون ماصدق بحبك من يعذلوني
وانا لولا الغلا اللي لك بقلبي وش يصبرني=ومن غيرك إلى منه هجرني زادت اطعوني