شعري كتبته وافتخر فيه بالحيل=لاني كتبته بأصدق احساس وشعور
شعري مثل نورٍ كسر عتمة الليل= والا كما برقٍ فضح كل ديجور
كنه مثل غيمه تزف الهماليل = بقدومها كل الحنايا لها سور
شمس المعاني كنها طلعة سهيل=فيها أعانق كل مبدى ودستور
مضمونه أسمى من حروف المراسيل=وصدق المعاني الوافيه مابها زور
لامن لفاني كنه المزن والسيل=أعذب من النسناس واشراقة النور
قبل أرسمه يشتد بقدومه الحيل=واليا زبنته ينجلي هاجس الجور
مايحوي الهزلات ولا يقبل الميل=وان حدني ضيم الزمن مابه قصور
ماجيت أضاهي فيه ضو القناديل= جيت أنثر حروفه رياحين وزهور
نبعه مدى وابعاد نزفه محاصيل= أرضه وطن من دونها موج وبحور
وبين الليالي الماضيه والمقابيل=مثل الذهب تبقى مضامينه عصور
دام القوافي تمتطي صهوة الخيل=وابعاد حرفي بالمسافات مخبور