حبيب العمر .. ياحلم الليالي = يانبض الشوق .. ياكل الاماني
الا يااجمل جوابٍ في سؤالي = واغلا حلم عشته في زماني
حروف العشق بالوصف المثالي = تجسد بالغلا صدق المعاني
هدية شوق من غالي لغالي = من أحساسي ومن فايض كياني
شعور الصدق من قلبك صفالي = وعبير الود فل وزعفراني
ملامح صورتك تسكن خيالي=أبروزها من ضلوع المحاني
أنا والله ما غيرك فـ بالي=وانا ما ارخص غرامك لو ثواني
أنا لك طوع باليمنى شمالي=يا أول حب مابي حب ثاني
اذا صديت سم البعد حالي = وطيف الهم لامن غبت جاني
مضامين الوفا أول وتالي = وعلى طاريك قلبي ماعصاني
فداك اللي تبي يارأس مالي = فداك الشعر مع صادق حناني
عطيتك بالوفا عهدٍ مضالي = عْهد ماأنسى حبيبٍ مانساني
رغم ماصابني واللي جرالي = ينادم طيفك العابر بياني
أجيك بلهفتي مثل الخيالي = لو أن الوقت عن وصلك حداني
وانا لك طوع في كل الليالي = ياحلم العمر .. ياكل الاماني