أسـمـع صـدى صـوتـك مع ضـجة الـناس =والـحــس يـســري بـالـضـمـايـر حـسـوسـي

ياللي سمعت الصوت في ضجة الناس=يامحركً بالوصف خافي هجوسي
أسترجع الماضى على صفحة الياس=وارجي أمل وسط الضمير مغروسي
من يوم غاب اللي من الناس حّساس=اللي تسبب في بعاده نجوسي
في غيبته ذقت المراره والاتعاس=ذقت العذاب وعشت ضيق النفوسي
في غيبته مابين همٍ وهوجاس=وجرح المفارق في خفوقي يدوسي
في غيبته صرت أشتكي قل الاوناس=واخذت من قسوة أفراقه دروسي
له المحبه والوفا ماله قياس=لاجله معاليق الضماير يبوسي
يامحمد المكتوم .. ياطيب الساس=صوتٍ سرى بك في ضميري حسوسي
فيض المحبه في قصيدك والاحساس=شيخٍ مع التوصيف شاعر فروسي
أبداعك اللي بين هقوه ونوماس=للعاذل ، الحاسد ، وحظه نحوسي
وصف الغرام يجول لاهب نسناس=وسط الخفوق اللي زمانه عبوسي
ياللي سمعت الصوت في ضجة الناس=يامحركٍ بالوصف خافي هجوسي