مرحوم ياللي سمعتـه ترفـع الـرأس=نومـاس علمـه للنـفـوس العليـلـه
علمه ينومس بالفخـر طيـر قرنـاس=حـرٍ نهـار الضيـق كـلـن يجيـلـه
له موقفً مثـل الفـرح حـزة اليـاس=بالهقـوه اللـي كـل بـارق تخيـلـه
أبويـه اللـي للمواجـيـب نـبـراس=لـه سمعـةٍ ترفـع مـقـام القبيـلـه
له الوفـا والطيـب مبـدى ونومـاس=درب المـراجـل مايضّـيـع دليـلـه
صادق مشاعر يحتـوي قـوة البـاس=ماعـاش فـي دنيـاه لحظـه ذليـلـه
خبـر وفاتـه أودع الفكـر منـحـاس=وأنشـل فكـرً ماقـوى نـزف قيـلـه
يوم الفجيعه أعتلـت ضيـق الانفـاس=مالـوم مـن عّيـت عظامـه تشيلـه
قالوا توفـى وجاوبـت هـزة الـراس=مـع سقطـة الدمعـه وفـوح المليلـه
احساس صادق وأنجرف دون مقيـاس=فيض الحنان اللي سكـن بـي رحيلـه
في داخل أعماقه كمـا طفـل حّسـاس=أستوطن أعماقي وصـرت أنتمـي لـه
كتبـت شعـري دم بكفـوف قرطـاس=دمعـة يتيمـه تذكـره كــل ليـلـه
رغم البطا ، رغم الزمن ، رغم الارماس=باقـي معـي للحيـن صـوره جميلـه
ضميتها . حطيتهـا . بيـن الاقـواس=لاضاق منها الكـون صـدري يشيلـه
صوره لها نبضي ودمعـي والاحسـاس=صـورة شمـوخ وللمبـادي فضيـلـه
جعل العوض بقلوب ماتعـرف اليـاس=تدعـي لـه الرَحمـن منجـي دخيلـه
تطلب له الرحمـه مـن الله ولا بـاس=أعـداد مـن لبـا وصـلـى النفيـلـه
عـد النجـوم وعـد ماهـب نسنـاس=عـد الشجـر وأعـداد بـارق مخيلـه
في جاه منهـو عالـمٍ غيـب الانفـاس=فـي جنـة الفـردوس يصبـح مقيلـه

حي القصيد يشتـت الهـم وادمـاس=حيّه عدد برق السمـا اللـي نخيلـه
حيّه عدد لمع الـدرر لـول ٍ ومـاس=واعـداد سكّـان العـراق ونخيـلـه
واعداد ماذاعوا برويتـر معـه واس=واعداد كـل الوقـت واللـي يشيلـه
واعداد كيف الهيـل بـن ٍ ومحمـاس=واعـداد ماغنّـى الحمـام بهديـلـه
واعداد ماقيل الشعـر ذوق باحسـاس=وعـد المـزن تعـداد وابـل هميلـه
وعد المعاني دون حصـر ٍ ومقيـاس=واعـداد مـادل ّ المعـنّـى دليـلـه
واعداد ماانتـي للشعـر دوم نبـراس=نـبـراس ذوق وذوق والله قلـيـلـه
واعداد كل الذوق مـن راس ٍ لسـاس=واعـداد مـالا عـد واعـداد كيلـه
واعداد لمع الماس في لمعـة المـاس=واعداد كـل الخيـل واللـي أصيلـه
واعداد حصن الأرض واعداد الأفراس=تعداد حَـرّ القيـض وأيضـاً مقيلـه
واعداد من صلّى وتحيزم معه فـاس=يطلـب رضـا الله مايـدوّر بديـلـه
واعداد من طاف الحرم واللي جلاّس=برّا الحرم والطـوف عنـده حصيلـه
يخاف يـوم ٍ فيـه يعلـن بالافـلاس=للـي عصـى الله بالذنـوب الثقيلـه
واعـداد ذكـر الله جهـر ٍ وكـراس=عد السحـاب وعـد ماسـال سيلـه
واعداد مادق الزمن صوت الاجـراس=واعداد كل فانـوس وايضـا ً فتيلـه
الله يرحـم والـدك رافـع الــراس=في سمعتـه رافـع نفـوس ٍ عليلـه
رجل ٍ كريم وطيّب الذكـر والسـاس=عسـاه بالفـردوس ظـل وظليـلـه
وصلاة ربـي عـد ماقيـل بقيـاس=وأضعافهـم أضعـاف ماهـي قليلـه
على النبـي محمّـد الشافـع لنـاس=يوم الحشر نرجي الشفاعـه وسيلـه

الله يرحم طيب الذكر .. و.. الساس=يا رحمتي لأهله ويا رحمتـي لـه
ما مات من خلف ينابيع الأحسـاس=وتصدقي عن والـدك وأدعـي لـه
هذا القدر يده علـى دق الأجـراس=ضيف عبوس ومالنـا فيـه حيلـه
أقولها من قلـب وآنـا ولـد نـاس=ماهمـه العـاذل وقلـبـه دليـلـه