ارقا يا معناي من فوق الغمام=صافح اللي بالوفا علمه يقين
أرقا في عزه وشيمه واهتمام= لك حضورك في عيون العارفين
أدري انك ماتخص الا الحشـام=لاعتزى بك هاجس القلب الفطين
يا قصيدي كل ما ارخيت اللجام=تلبس وسام الرجال المنصفين
يالأمير اللي رقا راس السنام=في شموخه قاسي المعنى يلين
ما كتبته لاجل غايات ومرام=أكتبه للمجد بالصوت الحصين
يا عريب الساس.. يا نسل الكرام=يا مساق العود بين الغانمين
موقفك معروف يالحر القطام=والمبادي الصادقه دنيا ودين
انت ساس المجد مشهود المقام=راعي الوقفات والعقل الرزين
لك ثنا التاريخ ما فيها كلام=يشهد الله..والنشاما شاهدين
شيخ جود وشيخ هيبه واحترام=موقفك في ساعة الشده يبين
سيرتك نفخر بها عند الأنام= وحاضرك جدد قديمات السنين
المراجل طيب والهقوه حزام=فزعة اللي بالمواقف له عوين
جعل من عاداك بالدنيا يضام=بقدرة اللي رد كيد الحاقدين
ياصلك حرفي قبل مسك الختام=بالولا ,والحب,تقدير وحنين
كل معنى في سموك ما يلام=وينحني لك بالوفا نبض الكنين
لو كتبتك بالشعر2000عام=ما وصفتك بالشعر علمٍ يقين